Polonia ka vendosur që të dëbojë 45 diplomatët rusë, të cilët u zbuluan se kryenin aktivitet spiunazhi në territorin e vendit. Sipas BBC, vendimi erdhi pas zbulimit të aktivitetit të paligjshëm të tyre nga agjencia e spiunazhit të Polonisë, ABË. Madje, kjo e fundit i kërkoi Ministrisë së Jashtme që t’i dëbonte ata nga vendi.
“Shërbimi i Sigurisë së Brendshme ka përpiluar një listë me 45 persona që punojnë në Poloni që pretendojnë se kryejnë aktivitete diplomatike, kur në fakt ata po kryenin aktivitete spiunazhi kundër Polonisë, ” u tha gazetarëve Stanislav Zarin, një zëdhënës i ABW.
The #Polish secret service detained a civil servant accused of spying for #Russia. He worked in the registry office and leaked valuable information about Polish citizens and foreigners living in #Poland to Russia. https://t.co/MbkTbSGzzt
— NEXTA (@nexta_tv) March 23, 2022
Një zëdhënës i qeverisë polake tha se ambasadori rus në vend ishte thirrur në Ministrinë e Jashtme dhe shtoi se Varshava do të njoftojë hapat e saj të ardhshëm pas takimit.
Nga ana e saj, Rusia paralajmëroi Poloninë për hakmarrje në rast se Varshava do të dëbonte diplomatët e saj, raportoi RIA Novosti, duke cituar Ministrinë e Jashtme ruse.
Pritet tani se cili do të jetë reagimi i rusëve pas dëbimit të diplomatëve të tyre nga Varshava.