Kreu i Lidhjes Demokratike të Kosovës (LDK), Isa Mustafa ka ngushëlluar familjen e aktivistit të kësaj partie, Fadil Vezaj që është bërë e ditur se ka vdekur sot.
“Me rastin e vdekjes së aktivistit Fadil Vezaj, kryetari i LDK-së Akademik Isa Mustafa u ka shprehur ngushëllime familjes Vezaj dhe strukturave të LDK-së, në Zhur:
“Me pikëllim të thellë mora lajmin për vdekjen e aktivistit të pa lodhshëm, pedagogut shumëvjeçar dhe veprimtarit të LDK-së, Fadil Vezaj”, thuhet në njoftim.“Fadili ishte kandidat i LDK-së për deputet në zgjedhjet e fundit, njeri i urtë, punëtor dhe person i afërt me të gjithë.
Ai dha kontribut të madh në edukimin dhe arsimimin e shumë brezave.
Vdekja e tij është humbje e madhe për familjen, miqtë dhe të gjitha strukturat e LDK-së në Zhur”, bëhet e ditur.