Ish-diplomatja kosovare ne Hungari, Luljeta Vuniqi edhe pse ka kohë që i ka kaluar mandati si ambasadore, ajo vazhdon t’i përdor targat diplomatike në veturën e saj në Prishtinë, transmeton Gazeta Metro.
Edhe pse pothuajse pas 2 vite ish-ambasadorja Vuniqi që kur është zëvendësuar nga ambasadori Shpend Kallaba në nëntori të viti 2018, ajo ka vazhduar të udhëtoj si një diplomate e Kosovës.
Ambasadori Kallaba, në nëntor te vitit 2018, është emëruar ambasador i jashtëzakonshëm dhe fuqiplotë ne Hungari dhe nga janari 2019, shërben në Ambasadën e Kosovës ne Hungari.
“Fiks Fare” ka zbuluar se ish-ambasadroja e Kosovës në Hungari, Luljeta Vuniqi vijon të mbajë automjetin me targa diplomatike edhe pse nuk është më pjesë e trupit diplomatik.
Rreth dy vjet më parë Luljeta Vuniqi u largua nga posti i ambasadores, por veturën me targa diplomatike vazhdoi t’i përdorte edhe me tutje.
Ajo nuk pranoi të përgjigjej për targat e veturën të parkuar poshtë banesës së saj, por pas dy ditësh i zëvendësoi ato me targa normale.
Gazetarja e “Fiks Fare” ka kontaktuar me autoritet në Hungari, të cilët i janë përgjigjur se zonja Luljeta Vuniqi nuk është me në funksionin e saj në Budapest, duke i rekomanduar të bisedojë me autoritet në Kosovë.
Gjithashtu, ajo ka kontaktuar edhe ministrin e Punëve të Jashtme në Prishtinë, ku fillimisht i thanë që mund të prisni për ndonjë intervistim të ministres Haradinaj-Stublla, por vetëm pak minuta më vonë sigurimi i tha se duhet ta lironi menjëherë objektin.
Madje i’u ndalua edhe të filmonte nga jashtë objektit. Sigurimi i objektit i kthehet gazetarës duke i thënë që nuk mund të xhirosh këtu edhe pse ajo i tha që tashmë gjendet jashtë objektit të ministrisë.