Ish-drejtori i Policisë së Kosovës, Rashit Qalaj, përmes një lidhjeje direkte në ATV, ka folur për pagat e punëtorëve të sigurisë në Kosovë.
Ai tha se ushtarët e FSK-së dhe policët e Kosovës, për shkak të pagave të vogla, po detyrohen që pas orarit të rregullt të punës, të punojnë edhe punë dytësore si kamarierë e taksistë.
Shumë ushtarë të FSK-së në kohën e fundit janë duke punuar si detyrë dytësore taksi, apo po kryejnë punë tjera nëpër restorante, e poashtu edhe Policët. Mos të harrojmë që sot paga e ushtarit të Forcës së Sigurisë së Kosovës është paga më e vogël në rajon”, u shpreh Qalaj.
Tutje ish-drejtori i Policisë tha se këto informacione i ka nga vetë ushtarët e policët, duke shtuar se nëse këta të fundit dalin nga Kosova për shkak tëp agave të vogla, atëherë kjo është një humbje e madhe për kosovën.
“Çdo ushtar që na del nga Forca e Sigurisë së Kosovës, çdo polic që del nga Policia e Kosovës është një dëm i madh për vendin, sidomos nëse kemi të bëjmë me arsyen kryesore, për kushte më të mira”, tha mes tjerash Qalaj.
Ai gjithashtu potencoi se ky fakt duhet të jetë një alarm për Qeverinë, që të rrisë pagat e të gjithë sektorëve, por sidomos të punëtorëve të sigurisë.