Kryeministri i Kosovës, Albin Kurti, ka thënë se Serbia po kërkon formimin e Asociacionit një etnik në Kosovë, mirëpo një të tillë ajo nuk po ua mundëson minoriteteve që jetojnë në Serbi.
Sipas Kurtit, asociacione një-etnike komunash në Serbi do të mund të formonin hungarezët, boshnjakët, shqiptarët dhe bullgarët, pasi në Serbi llogariten 21 minoritete.
“Minoritete në Serbi zyrtarisht llogariten 21 sosh: kroatët, bunjevcët, bullgarët, boshnjakët, shqiptarët, hungarezët, romët, rumunët, rusinët, sllovakët, ukrainsët, lidhja hebreje, ashkalinjët, vllehët, grekët, egjiptianët, gjermanët, sllovenët, çekët, maqedonët, malazezët.
11 komuna në Serbi udhëhiqen nga kryetarë joserb. Asociacione një-etnike komunash do të mund të formonin hungarezët, boshnjakët, shqiptarët dhe bullgarët. Pse Serbia nuk ua mundëson këtë, përderisa e kërkon një gjë të tillë në Kosovë?”, ka shkruar dje Kurti, në një postim në Facebook.
Lidhur me këtë deklaratë të Kurtit, një koment e ka dhënë ish-kandidati i Lëvizjes Vetëvendosje për deputet, Liri Loshi.