Ish-sekretari i Ministrisë së Mjedisit i arrestuar sot, në aferën “Pronto” përmendej si i besueshëm i njerëzve të Adem Grabovcit

Date:

Ka vazhduar edhe sot në disa lokacione, përfshirë në Ministrin e Mjedisit, aksioni i Policisë së Kosovës në rastin tashmë të njohur si “Brezovica”. Mëngjesin e sotëm është raportuar të jenë arrestuar edhe 7 persona tjerë për këtë rast, ne mesin e tyre edhe ish-sekretari i Ministrisë së Mjedisit, Arben Çitaku.

Arben Çitaku ishte emëruar në pozitën e sekretarit të Ministrisë së Mjedisit me 6 korrik të vitit 2011, në kohën sa Hashim Thaçi kishte qenë kryeministër i vendit, teksa ishte larguar nga puna me vendim të kryeministrit aktual Albin Kurti në shkurt të vitit 2020.

Gjatë periudhës kur ai kishte qenë sekretar në ministri, Çitaku ishte përmendur edhe në një nga bisedat telefonike të zbuluara në vitin 2016 të Adem Grabovcit, në aferën e njohur “Pronto”.

Në bisedën e Grabovcit me një doktor që nuk identifikohet, Arben Çitaku përmendet si person “i zgjedhur” për të qenë pjesë e një komisioni për zgjedhjen e një zyrtari të lartë shtetëror.

Pozita e Sekretarit të Përgjithshëm, që Çitaku e mbajti rreth 9 vite, është pozita më e lartë drejtuese në Ministri, me status të shërbyesit civil, i cili udhëheq me punën e departamenteve, zyrave dhe njësive institucionale. Sekretari i Përgjithshëm i përgjigjet drejtpërdrejt Ministrit.

Gjatë kohës që Arben Çitaku ka qenë Sekretar, Ministria e Mjedisit është njohur për disa ‘skandale’, ku shpesh lakohej edhe emri i tij.

Një vendim kundërthënës ishte marrë në shtator të vitit të kaluar nga Ministria e Mjedisit, ku ish-ministri Fatmir Matoshi, kishte vendosur ta heqë bllokadën për hidrocentrale.

Ish-sekretari i MMPH-së, Arben Çitaku me 6 shtator të vitit 2019, kishte kërkuar nga ministri Matoshi që ta zhbllokojë këtë proces, duke thënë se marrëveshja në të cilën ishte thirrur ish-ministrja Albena Rashitaj, tashmë nuk është në fuqi, pas shpërbërjes së parlamentit.

Një tjetër ‘skandal’ ishte shkaktuar edhe kur në draft-ligjin e ri për ujërat të Ministrisë së Mjedisit, në kohen kur Çitaku kishte qenë sekretar i saj, ishte paraparë shuarja e Këshillin Ndërministror të Ujërave, këshill i cili mbështetej nga ambasadat e huaja dhe është funksional që nga viti 2013.

Kjo tentativë i kishte alarmuar ambasadat që deri tash e kanë mbështetur këtë këshill. Atëkohë sekretarit të Përgjithshëm të MMPH, Arben Çitakut me 25 shtator të vitit 2019, i kishte shkuar një letër nga Ambasadat e Zvicrës, Suedisë, Francës dhe Gjermanisë dhe nga Bashkimi Evropian, zyra në Kosovë, të cilët e kishin shprehur shqetësimin rreth tentativës së ministrisë për shuarjen e Këshillin Ndërministror të Ujërave.

Ndryshe, një zyrtar aktual dhe një ish-zyrtar i Ministrisë së Mjedisit, Planifikimit Hapësinor dhe Infrastrukturës janë arrestuar në aksionin e sotëm të Policisë të zhvilluar në disa lokacione në Kosovë. Ata janë kryeinspektori i MI-së, Bedri Halimi dhe ish-sekretari i Ministrisë së Ambientit, Arben Çitaku.

Shpërndaje postimin:

Rekomanduar

Më shumë si kjo
Të lidhura

AAK-ja e Ramush Haradinajt paralajmëron protesta kundër shtrenjtimit të çmimit të rrymës

Pas PSD-së, edhe partia opozitare AAK, ka paralajmëruar protesta...

Profesori amerikan: Furnizimi i Serbisë me armë nga Rusia ka më shumë implikime politike sesa kërcënim ushtarak

Furnizimi i Serbisë me armë nga Rusia po konsiderohet...

Befason ministrja Albulena Haxhiu del në një serial televiziv

Ministrja e Drejtësisë, Albulena Haxhiu është shfaqur së fundmi...

Sinjale negative nga Franca për vizat: Kosova s’i ka plotësuar 95 kriteret e BE-së në mënyrë efektive

Franca, që po e udhëheq presidencën e BE-së, është...