Këtë herë jo në stadium, por në mënyrë virtuale në faqen e Presidentit serb Aleksandër Vuçiç, pikërisht në lajmin ku njoftohej mbledhja e Këshillit të Sigurisë Kombëtare.
Duke shpalosur flamurin e Autocthonus me Ismail Qemalin e Isa Boletinin, Ballisti ka shkruar në serbisht: “Mos gënje vetën, je i mbaruar”!
E pikërisht ky koment i kuksianit me pasaportë italiane ka tërbuar rrjetin, ku kanë hyrë me furi shqiptarë e serbë, duke u përleshur me njëri-tjetrin në mënyrë virtuale.
Shqiptarët që duket që janë kryesisht nga Kosova, apo Lugina e Preshevës i thurin lavde Ismail Morinës.
“Ballist, je i pavdekshëm, të rrosh sa malet”, i thotë një komentues, kurse një tjetër sërish shqiptar: “Na ke ndrit fytyrën e babë”. Ndërkaq, një serb i kthehet me ironi ballistit: “Ai njeri mund të të bëjë të hash dhe”.
Një serb tjetër kujton Rrahman Morinën ish-kreun komunist të Kosovës. “Vetëm një Morinë ishte zotëri, të tjerët s’vlejnë”. Një serb tjetër përdor sarkazmën: “Sa ndjekës shqiptarë ka presidenti ynë në rrjetet sociale”.
Një tjetër i thotë ballistit: “Vetëm te Shqipëria e Madhe të ka mbetur mendja”.
E më pas në faqe janë bashkëngjitur edhe një numër i madh ndjekësish të Vetëvendosjes e Albin Kurtit që i kthehen Vuçiçit me fotot e ROSU-it: “Hajde ta qesim një qaj”.
Në pak minuta faqja e Presidentit të Serbisë është kthyer në një gallatë nacionaliste, por që realisht ka arritur edhe shikueshmëri të madhe.
Ndërkaq, një pjesë e madhe e komenteve janë fshirë herë pas here, por sërish ka njerëz që ndërhyjnë e shkruajnë prapë…
