Sulmuesi i Përfaqësueses së Kosovës, Lirim Kastrati nuk është i lumtur me barazimin ndaj Greqisë.
Kastrati për mikrofonin e Digitalb SuperSport Kosova ka deklaruar se kanë luftuar për njëri-tjetrin dhe ka kërkuar falje për rastin që nuk e shënoi.
“Normal, si çdo lojtarë kemi dëshirë me i ndihmuar Përfaqësueses. Por, në ndeshjet e fundit nuk kishim fat, sidomos sonte me Greqinë, e dimë se çfarë skuadër, nuk është duke na ecur. Ne kemi pasur shumë raste, unë katër raste, Paqarada.
Nuk jemi të kënaqur me barazim. Thjesht kur nuk luan shumë, je i ngurtë, më vjen shumë keq që nuk kemi shënuar gol”, deklaroi ai, transmeton Insporti.com.Kastrati ishte ndër më të mirët për Kosovën në këtë ndeshje, duke treguar kualitetet e tij.
Kosova luajti baras me Greqinë pa gola në kuadër të Grupit 3 të Ligës C në kuadër të Ligës së Kombeve.