Bordi i Zyrës së Rregullatorit të Energjisë (ZRRE), të martën, ka miratuar vendimin për rritjen e tarifave të energjisë elektrike për konsumatorët shtëpiakë që shpenzojnë rrymë mbi 800 kilovat.
- Advertisement -
Me miratimin e këtyre tarifave, konsumatorët që shpenzojnë mbi 800 kWh energji do të përballen me shtrenjtim të energjisë.
Pas shtrenjtimit të energjisë kompania furnizuese, KESCO u ka dërguar mesazhe në telefon qytetarëve ku i ka njoftuar për rritjen e çmimit.
“Njoftim – Janë aprovuar tarifat e energjisë për vitin 2022, të cilat hyjnë në fuqi nga 09.02.2022. Për më shumë informata vizito www.kesco-energy.com”, thuhet në mesazhin që kanë pranuar sot qytetarët.
