Naim Murseli, këshilltar i kryetarit të AKR-së, Behgjet Pacolli ka thënë se së shpejti do ta zyrtarizojnë koalicionin parazgjedhor me LDK-në.
- Advertisement -
Murseli ka shkruar se ky koalicion është vullnet brenda partisë por edhe i elektoratit të AKR-së.
“AKR po i afrohet koalicionit parazgjedhor me LDK-në e cila së shpejti do të zyrtarizohet. Është vullnet brenda partisë por edhe i elektoratit tonë. Na priftë e mbara!”, ka shkruar Murseli në Facebook.
Kryetari i AKR-së, Behgjet Pacolli mbrëmë në “DPT Te Fidani” në T7 paralajmëroi formimin e këtij koalicioni, për të cilin tha se janë formuar dhe po punojnë grupet punuese të të dyja partive.