Këta janë dy deputetët që do të zëvendësojnë Hamzën e Nurën në Kuvend

Kryetari i Kuvendit të Kosovës, Glauk Konjufca ka njoftuar për zëvendësimin e dy deputetëve në Kuvendin e Kosovës.

Kjo pasi dy deputetë të Partisë Demokratike të Kosovës dolën fitues të dy komunave në zgjedhjet lokale të 14 nëntorit.

Kështu Rashit Qalaj do të jetë deputet në vend të Bedri Hamzës që u zgjodh kryetar i Mitrovicës dhe Isak Shabani do të jetë deputet në vend të Fadil Nurës që u zgjodh kryetar i Skenderajt.

Ata janë betuar sot si deputetë të rinj të Kuvendit të Kosovës.