Presidenti francez Emmanuel Macron zhvilloi te hënën për 90 minuta një bisedë telefonike me Vladimir Putin pak para fillimit të negociatave të Rusisë me Ukrainën.
Sipas informacioneve të mediave ndërkombëtare, Putin ka shpallur katër kushtet që ka vendosur për Bashkimin Evropian, për të ndalur Iuften që po vijon për të 5-tën ditë.
Katër kushtet janë:
Njohja e sovranitetit rus në Krime, Çmilitarizimi i shtetit ukrainas ,Denazifikimi i shtetit ukrainas, Sigurimi i statusit neutral të Ukrainës.
Më herët presidenti rus kishte kërkuar fillimin e negociatave vetëm me kusht që ukrainasit të dorëzonin armët e tyre.
Ndërsa në një deklaratë të fundit ai pohoi se nuk flet me “nazistët dhe narkomanët”, duke kërkuar që të rrëzohet qeveria ukrainase. Ai madje ftoi popullin dhe ushtrinë ukrainase për ta rrëzuar qeverinë e tyre.
Që në fillim të konfliktit, ishte e qartë se rusët donin një dorëzim të pakushtëzuar (ukrainas) që sipas Moskës do t’i jepte fund jo vetëm luftës, por edhe mandatit të qeverisë ukrainase dhe presidencës së Zelensky dhe për Putinin, kjo do të thotë “regjim neutral”.
Pjesa tjetër, kushti për “çmilitarizim” të Ukrainës, nënkupton fundin e flirtit me NATO-n dhe armatosjen e saj nga amerikanët dhe largimin e saj përfundimtar nga Perëndimi. /noa.al