Teksa konflikti në Ukrainë po afron më muajin e tretë, Zhao Lijian, zëdhënësi i Ministrisë së Jashtme kineze, ka përsëritur narrativen anti-NATO, shkruan Express-i britanik, përcjell Periskopi.
“As edhe një centimetër e prezencës ushtarake e juridiksionit të NATO-s nuk do të shpërndahet në drejtim të lindjes”, ka shkruajtur Lijian në llogarinë e tij në Twitter, duke iu referuar memorandumit ndërmjet Mikhail Gorbachev dhe James Baker të arritur në Moskë me 9 shkurt të vitit 1990.
Poshtë shkrimit, ai bashkëngjiti një fotografi duke krahasuar vendet anëtare të NATO-s në vitin 1990- para rënies së Bashkimit Sovjetik në vitin 1991- me gjendjen e tanishme.
Në hartë u paraqitën vendet që u janë bashkuar NATO-s, siç janë Gjermania, Polonia dhe Rumania.
Gjithashtu, në fotografi u hijezuan vendet që “janë duke kërkuar anëtarësim në NATO” dhe që “janë duke shqyrtuar anëtarësimin”, përfshirë Ukrainën.
Qeveria kineze ka refuzuar ta dënojë hapur Iuftën e Rusisë në Ukrainë, gjë që ka nxitur reagimin e fuqive perëndimore.