Kjo është parulla e ‘Dardanëve’ që nuk u lejua në ndeshjen ndaj Anglisë, shkaku i politikës

Tifogrupi i Kosovës, Dardanët, kanë zbuluar parullën të cilën nuk u lejuan që ta shfaqin në ndeshjen ndaj Anglisë, transmeton Gazeta Metro.

Anglia dhe Kosova u takuan mbrëmë(e martë) në ‘St. Mary’s Stadium’ të Southamptonit, me anglezët që shënuan fitore me rezultatin 5-3.

Tifogrupi i Kosovës, Dardanët, kanë zbuluar një parullë të cilën nuk u lejuan që ta shfaqin në stadium, për arsye politike.

“Ne do të veshim lulekuqen tuaj me krenari. Por kemi ardhur për 3 pikë” – thuhej në këtë parullë, teksa “Falenderues gjithë jetën. Koreografia nuk është lejuar të futet në stadium, pēr arsye politike” – thuhet në njoftimin e ‘Dardanëve’./gazetametro.net