Sot nëpërmjet terminalit doganor në Mitrovicë, kanë hyrë disa bombola të oksigjenit nga Serbia.
Kjo është konfirmuar për Gazetën Online “Reporteri.net” nga zëdhënësi i Doganës së Kosovës, Adriatik Stavileci, i cili ka thënë se ka bombola oksigjeni nga Serbia e po ashtu edhe nga vendet e tjera, ndërkaq ka thënë se nuk e di se sa është sasia e tyre.
“Origjina është e Serbisë, kanë hyrë nuk kanë ndonjë ndalesë. Sasinë nuk e di, por ka edhe origjina të tjera të oksigjenit, mirëpo një sasi është e Serbisë. Oksigjeni ka nis të vijë që një javë, pra kemi pas dërgesa këtë javën e fundit”, ka thënë Stavileci për Reporteri.net.
Kujtojmë se qeveria Kurti ishte akuzuar jo pak për pranimin e testeve për coronavirus nga Serbia, ku të gjitha partitë një zëri deklaronin se me këtë rast ishte poshtëruar Kosova.
Ish-kryeministri Kurti ishte arsyetuar duke thënë se nëse Kosova nuk do të pranonte këto teste do të akuzohej për sjellje iracionale dhe politizim të një gjesti i cili sipas tij nuk ishte i tillë.