Një e artë, dy të argjendta dhe dy të bronzta është numri i medaljeve të fituara nga Kombëtarja e Kosovës në boks në Kampionatin Ballkanik “Antalia 2019”, që prej 10 dhjetorit e deri sot u mbajt në Antalia të Turqisë.
- Advertisement -
Medaljen e artë e fitoi Donjeta Sadiku, e cila sot në finale mposhti turken Sema Caliskan, në kategorinë -64 kg. Caliskan këtë vit kishte fituar medaljen e bronztë në kampionat botëror.
Sot në finale u mposhtën Shpejtim Bajoku (-63 kg) dhe Besart Pireva (-75 kg), të cilët u stolisën me medaljen e argjendtë.
Të bronztën e fituan Patriot Behrami (-69 kg) dhe Bashkim Bajoku (-52 kg).
- Advertisement -
Kosova u paraqit me pesë boksierë dhe trajnerët Shefki Bogujevci dhe Besim Brahimi.
Drejtësinë e ndau edhe gjyqtari ndërkombëtar, Latif Demolli.