Kombëtarja e Kosovës ka fituar ndeshjen e fundit të Ligës së Kombeve ndaj Moldavisë me rezultatin minimal 1:0.Kosova ka fituar ndaj Moldavisë me rezultatin 1:0, falë golit të Lirim Kastratit – i cili realizoi në minutën e 30’të të ndeshjes.
“Dardanët” kishin shumë raste për ta thelluar avantazhin me anë të Kastratit, Celinës, Zhegrovës e Muriqit, mirëpo nuk arritën ta gjejnë rrjetën.
Amir Rrahmani, ylli i kombëtares së Kosovës u detyrua ta lëshojë fushën pas 18 minutave lojë, shkaku i një dëmtimi në krahëror.
Ndërkohë, vlen të potencohet se Ibrahim Dresevic u ndëshkua me karton të kuq në minutën e 85’të.Të veçantat në këtë sfidë ishin debutimi i Armend Thaçit dhe goli i parë i Lirim Kastratit me kombëtaren A.
Kosova me këtë fitore shkon në kuotën e 5 pikëve dhe siguron mbetjen në Ligën C të Ligës së Kombeve, kurse Moldavia bie në Ligën D.