Mario Draghi nuk do të paguhet përsa kohë të drejtojë qeverinë e Italisë. Ky është vendimi personal i tiji, por që nga vetë ish-kreu i Bankës Qendrore Europiane nuk është sqaruar.
Dragi është në krye të qeverisë italiane që prej shkurtit dhe premton se do të nxjerrë vendin nga kriza me anë të një plani gjigand rindërtimi.
Para se të zgjidhej Kryeministër, 73-vjeçari ka lënë pas një karrierë të sukseshme në sektorin financiar. Ai ka punuar ndër të tjera për bankën e investimeve Goldman Sachs, ka qenë shefi i Bankës Qendrore Italiane dhe President i Bankës Qendrore Europiane gjatë viteve të krizës së madhe financiare.
Nga detyrat e tij të mëparshme ai përfiton disa pensione. Sipas dokumenteve tatimore të ardhurat e tij bruto ishin rreth 583.000 euro në vitin 2019. Ai ka gjithashtu dhjetë prona të patundshme, të plota ose pjesërisht, ndër to dhe një shtëpi në Londër.
Draghi nuk përmendi asnjë arsye për vendimin për të mos u paguar si Kryeministër. Massmiliano Panarari, një ekspert për komunikim politik në universitetin italian online Unimercatorum, supozon se bëhet fjalë për një gjest politik. Sipas tij, Draghi dëshiron të tregojë solidaritet ndaj popullit italian, që gjendet në një recesion të rëndë.
Ai u shpreh, se mund të shihej gjithashtu si një gjest populist dhe tha se do të kishte qenë më mirë që Draghi të jepte një shpjegim. Të njëjtën gjë kishin bërë më parë disa pjesëtar të lëvizjes populiste 5 Yje, që të dukeshin më afër me popullin.
Kryeministri italian paguhet rreth 80 mijë euro në vit, para përsa kohë të jetë Draghi në krye të Qeverisë do t’u kursehen qytetarëve.