Kryeministri i Rusisë, Mikhail Mishustin ka rezultuar pozitiv me covid-19. Ai ka njoftuar presidentin Putin se do të vetëkarantinohet.
- Advertisement -
Ende nuk bëhet me dije se si mund të jetë infektuar ai, apo si është gjendja e tij shëndetësore. Mësohet se zv.kryeministri Andrey Belousov do të marrë drejtimin e qeverisë, deri në shërimin e Mishustin.
Sipas Moscow Times, 54-vjeçari Mishustin ka luajtur një rol kryesor në reagimin e Rusisë ndaj pandemisë Covid-19. Ai u emërua Kryeministër në janar. Pas lajmeve, Putini paralajmëroi gjatë një debati televiziv se ajo që i ka ndodhur kryeministrit të tij mund t’i ndodhë kujdo.
Ndërkohë kujtojmë që në Rusi në total janë 1073 viktima dhe 106.498 të infektuar.