Kryetari i Deçanit, Bashkim Ramosaj ka reaguar pas arrestimit të tre personave të dyshuar për mizorinë në Gllogjan.
Ramosaj përmes një postimi në Facebook ka përgëzuar organet e drejtësisë për kapjen e të dyshuarve.
- Advertisement -
“I përgëzoj organet e drejtësisë, në zbardhjen e rastit, konkretisht në kapjen e të dyshuarve në lidhje me vrasjen e trefishtë që ndodhi më 26 nëntor në Gllogjan. I inkurajoj organet e rendit të shtetit tonë, që të mos ndalen deri në zbardhjen përfundimtare të vrasjes makabre në Gllogjan!” shkroi Ramosaj.
Në fund, Ramosaj uroi që raste të tilla, të mos përsëriten më në shqiptari.