Blerim Syla, kryetari i Sindikatës së Mjekëve të Kosovës, ka kritikuar artistët që mbajtën protestë sot, duke e quajtur protestë turpi.
Syla tha që nuk duhet të thuren këngë e vargje për punonjësit shëndetësor, por edhe t’u dilet në ndihmë.
‘More a jemi normal? Sot edhe një protestë e turpit. Profiterë e matrapazë paskan marr guxim edhe shkencën ta interpretojnë.
Në kohën kur komunitetit shëndetësor po i rrezikohet jeta dikush me surle e daulle po e largojka Covidin.
Atëherë e thjeshtë, ne punëtorët shëndetësorë në shtëpi e ju “artista” neper klinika, por mos i harroni edhe politikanët.
Turp Turp Turp e besa edhe gjynah duhet me ju ardhë nga punëtorët shëndetësore.
Mos thurni këngë e lavde por ndihmoni’, ka shkruar Syla në postimin e tij.
Kujtojmë se sot gjatë ditës estrada të ‘revoltuar’ kanë protestuar para Qeverisë së Kosovës, duke kërkuar që të mbahen dasmat.
Përveç estradës, protestës iu bashkuan edhe pronarët e disa restoranteve.