Cilësia e dobët e punimeve të rrugëve ka aktivizuar kryetarin e Komunës së Suharekës, Bali Muharremaj.
Ishte një rrugë në fshatin Samadraxhë në të cilin asfalti i shtruar nuk përmbushte kërkesat e caktuara nga Komuna e Suharekë.
- Advertisement -
Kryetari Muharremaj kishte kërkuar nga të gjithë mbikqyrësit e projekteve që të kërkohet cilësi e punimeve ose në të kundërtën punimet nuk do të pranohen.
E sot kryetari ka gjetur kohë që të inspektojë punimet në fshatin Gelancë, konkretisht në rrugën Koshare ku po bëhet asfaltimi i kësaj rruge.
Me metër në dorë Muharremaj po bënë matjen e asfaltit të shtruar duke parë për së afërmi nëse trashësia është konform kërkesave të Komunës.