Oligarku rus, Sergei Roldugin, i cili është pjesë e një rrjeti financiar të njohur si “kuleta e Putinit” në Moskë, sipas BE-së, është një nga 26 biznesmenët, zyrtarët dhe figurat ushtarake që janë shtuar në listën e sanksioneve, e cila po zgjerohet.
71 vjeçari, ish-violonçelisti kryesor i orkestrës së Teatrit të Operas Kirov në vitet 1980 dhe kumbari i vajzës së madhe të Putinit, Maria, është ndër ata që pretendohet se kërcënojnë integritetin territorial të Ukrainës.
Ai i bashkohet gjithsej 680 individëve dhe 53 subjekteve, pasuritë e të cilëve në shtetet anëtare të BE-së janë ngrirë dhe që e kanë të ndaluar të udhëtojnë.
Sanksionet e fundit ndaj Rusisë përfshijnë oligarkë dhe biznesmenë aktivë në sektorët e naftës, bankave dhe financave, si dhe zyrtarë qeveritarë, figura ushtarake dhe personalitete të medias në Rusi.
Agresioni i Rusisë në Ukrainë ka shkaktuar një sërë sanksionesh ndaj individëve, institucioneve dhe kompanive ruse.
Sidomos, një numër i atyre që janë në shënjestër përshkruhet të jenë brenda rrethit të ngushtë të miqve të mirë të Putinit.
Teksti i miratuar nga ministrat e jashtëm të BE-së të hënën, thotë: “Roldugin është një biznesmen me lidhje të ngushta me Vladimir Putin. Ai është pjesë e skemës financiare të rrjetit të Putinit”.