Analisti politik, Fitim Salihu ka komentuar takimin e sotëm mes të kryeministrit Kurti dhe dy liderëve të opozitës, Memli Krasniqi e Lumir Abdixhiku.
Në një postim në Facebook, Salihu ka thënë se kryeministri është me fat që e ka në opozitë Memli Krasniqin e Lumir Abdixhikun, dhe jo Albin Kurtin.
Ai ka nënvizuar faktin se PDK dhe LDK e përkrahën aksionin në veri dhe nuk e interpretuan si potez elektoral, dhe as nuk kritikuan për dështim në largimin e barrikadave, ashtu siç bënte VV më 2011.
Postim i plotë:
Albin Kurti është me fat që nuk e ka në opozitë Albin Kurtin, por Memli Krasniqin dhe Lumir Abdixhikun. Dy liderët opozitarë sot pranuan ftesën e Kurtit për takim. Po ashtu, PDK-ja e LDK-ja, duke e prioritizuar interesin shtetëror dhe sigurinë nacionale, e përkrahën aksionin policor në veri. As e interpretuan si potez elektoral, as e njollosën si protagonizëm personal dhe as e kritikuan për dështim në largimin e barrikadave, siç bënte VV-ja më 2011 – hiç më larg se tri ditë pas aksionit të Policisë së Kosovës.