Faton Kurti, kryetar i Republikanëve të Kosovës, ka reaguar pas kërkesën së presidentit serb Aleksandar Vuçiq, për pezullimin e punimeve në rrugën Deçan – Plavë afër manastirit të Deçanit.
Kurti e ka quajtur “shovinist diktatorial” Vuçiqin, duke thënë se ai nuk mund të përzihet në punët e brendshme të një shteti sovran siç është Kosova, përcjell Bota sot.
Ai ka theksuar se Manastiri i Deçanit u ndërtua nga duart e shqiptarëve në tokën e shqiptarëve dhe se së pari ishte Kishë Katolike Shqiptare.
Reagimi i Kurtit në Facebook:
Vuçiqi kërkon ndaljen e punimeve në rrugën Deçan – Plavë (afër manastirit të Deçanit)!
Ne ishim këtu para mijëra viteve kur ju bredhnit maleve të Karpateve. Kush ua jep të drejtën këtij shovinisti diktatorial të përzihet në punët e brendshme të një shteti sovran siç është Kosova.
Përfaqësuesit e Kishës Ortodokse duhet ta kenë paqen si mision dhe jo konfliktin.
Nuk duhet harruar se Manastiri i Deçanit u ndërtua nga duart e shqiptarëve në tokën e shqiptarëve dhe së pari ishte Kishë Katolike Shqiptare madje arkitektura e themeleve të saj dëshmon qartë historinë shqiptare të këtij monumenti.
Kështu që neve e kemi për detyrë ta mbrojmë manastirin dhe nuk ka nevojë mbrojtja me fanatizëm nga ana e përfaqësuesve të kishës ortodokse serbe në Republikën e Kosovës të luajnë kësi lojërash që të ndërpritet rruga Deçan – Plavë kinse për të mos rrezikuar kishën e tyre!
F.K.
