Kryeministri i Kosovës, Albin Kurti me anë të një postimi në Twitter ka bërë të ditur se ka zhvilluar bisedë telefonike me shefin e diplomacisë europiane, Josep Borrell.
Kurti thotë se gjatë kësaj bisede e ka informuar Borrell lidhur me ecurinë e qortimeve të lëshuara për targat ilegale.
“Nuk ka alternativë ndaj dialogut dhe institucioneve. E informova atë se janë dhënë 843 qortime nga policia për drejtuesit e makinave me targa pa leje, 0 incidente apo ankesa”, ka shkruar ai.
Late evening in Kosova for me, late at night in UAE for him — a good call with HR/VP @JosepBorrellF. There is no alternative to dialogue & institutions. Informed him that, of 843 reprimands issued so far by police to drivers of cars with illegal plates, 0 incidents or complaints.
— Albin Kurti (@albinkurti) November 6, 2022
Kujtojmë se dje edhe kryediplomati europian ka njoftuar se pas situatës së fundit në Veri të Kosovës ka biseduar me Kurtin dhe presidentin e Serbisë, Aleksandar Vucic.
Ai deklaroi se ngjarjet e fundit mund të vënë në rrezik vitet e punës së palodhur në kuadër të dialogut mes këtyre dy shteteve.
Ndërkaq, sot të dy liderët kanë biseduar me ministrin e Jashtëm të Italisë, Antonio Tajani.