Kryeministri Albin Kurti ka mbledhur kabinetin qeveritar, ku ka kërkuar planet për pandeminë dhe atë për ekonominë.
Poashtu Kurti ka paralajmëruar edhe ndërmarrjet publike, duke thënë se do të vlerësohet performanca e tyre.
“Sfidat janë të mëdha, përtej veprimeve urgjente në menaxhimin e pandemisë, do të veprojmë shpejt që të ndalim humbjet financiare nga kompanitë publike por edhe të ndalim recesionin ekonomik. Duke ndihmuar sektorin privat që të shpëtojmë vendet e punës dhe prodhimin.
Në ndërmarrjet publike duhet të ketë auditime dhe vlerësim të performancës, aty ku gjejmë shkelje dhe performancë të dobët, duhet të kthejmë shpejt në kthimin e ligjshmërisë por edhe vendosjen e menaxhmentit që ka aftësinë që ta kthejë ndërmarrjen publike në mbështetëse të ekonomisë. Pres që në tavolinën time të vijnë urgjent si plani për menaxhimin e pandemisë poashtu edhe planin për ringjalljen ekonomike”, ka thënë Kurti.