Deputetja e Vetëvendosjes, Mimoza Kusari-Lila i ka reaguar Emisarit të BE-së, Miroslav Lajçak lidhur me deklaratën e tij për liberalizimin e vizave për Kosovën. Kusari i ka thënë Lajçakut që nëse nuk i pëlqen puna e tij ndoshta duhet të shkojë diku tjetër.
Miroslav Lajçak dje ka deklaruar se nëse Kosova nuk i beson BE-së le të shkojë diku tjetër.
Kusari ka shkruar se kjo deklaratë e diplomatit sllovak është arrogante.
“Po i kundërpërgjigjem Miroslav Lajçakut. Nëse nuk të pëlqen puna jote ndoshta duhet të shkosh diku tjetër. Çfarë deklarate arrogante nga dikush që është i thirrur t’i ndihmojë shtetet që të vijnë më afër BE-së e jo të shikojnë më larg nga ajo”, ka shkruar Kusari në Twitter.
A moment to reply to @MiroslavLajcak If you don’t like your job, maybe you should go somewhere else.
What an arrogant statement from someone who’s suppose to help countries come closer to the EU and not look further from it. https://t.co/Coldh4ORz5— Mimoza Kusari (@mimozakusari) June 16, 2021
Miroslav Lajçak dje ka deklaruar se nëse Kosova s’i beson BE-së le të shkojë diku tjetër, kur është pyetur se a duhet Kosova t’i besojë BE-së për liberalizimin e vizave përderisa Bashkimi Evropian ka dështuar ta heq regjimin e vizave për kosovarët.