Një nga njerëzit më të afërt të Vladimir Putnit, Sekretari i Këshillit të Sigurisë Kombëtare Ruse, Nikolai Patrushev, do të shkojë për vizitë në Beograd më 28 shkurt.
Patrushev, sipas mediave serbe, do të ketë takim me Aleksandër Vuçiqin dhe siç raporton Novosti serb, një nga temat që do të diskutohet është edhe paralajmërimi i ministrit të jashtëm rus, Sergei Lavrov lidhur me atë ‘Rusia ka informacione se mercenarë nga Kosova, Shqipëria dhe Bosnja po dërgohen për të Iuftuar në lindje të Ukrainës’.
“ Vuçiq dhe Patrushev do të flasin lidhur me fuqizimin e bashkëpunimit ndërmjet dy vendeve në fushën e sigurisë si dhe sfidat e sigurisë me të cilat po përballet rajoni, Europa dhe bota’, shkruan Novosti.
Milloard Dodiku i Presidencës serbe në Bosnjë e Hercegovinë, i fryu zjarrit dje duke propaganduar deklaratën e Lavrovit si dhe shtoi se ‘ajo duhet të merret shumë seriozisht’.
Agjencia e lajmeve ruse, Sputnik, citoi ministrin e jashtëm rus, Sergei Lavrov që thotë se ka informacione se mercenarë po rekrutohen për tu dislokuar në Donbash nga Kosova si edhe nga shqipëria dhe Bosnja