Nasuf Bejta do të jetë kundërkandidat i Vjosa Osmanit në garën për president. Anëtari i Listës Guxo të Vjosa Osmanit e ka konfirmuar për Indeksonline kandidaturën e tij.
“Po, do të jem kundërkandidat në garën për president. Jam kandidat shumë serioz në këtë garë dhe pretendoj të fitoj” ka thënë Bejta për Indeksonline.
- Advertisement -
Bejta në zgjedhjet e fundit ka qenë kandidat për deputet në listën e Vetëvendosjes.
Nasuf Bejta u lind më 03 nëntor 1960 në fshatin Smrekonicë të Vushtrrisë. Shkollën fillore e kreu në Smrekonicë, ndërsa të mesmen në Gjimnazin “Muharrem Bekteshi” në Vushtrri. Studimet universitare i kreu në Fakultetin e Inxhinierisë Elektrike dhe Kompjuterike në Universitetin e Prishtinës.
Është inxhinier i diplomuar me përvojë 32 vjeçare në arsim, dhe aktualisht punon si mësimdhënës në SH.M.T. “Lutfi Musiqi” në Vushtrri.