Dr. Nexhmi Berisha ka vdekur gjatë ditës së sotme si pasojë e koronavirusit.
Lajmi është bërë i ditur nga drejtori i spitalit të Prizrenit, Afrim Avdaj.
I njëjti, konfirmoi po ashtu për media, se doktori i ndjerë ka vdekur si pasojë e koronavirusit.
Njoftimi i plotë i Avdajt:
Ti ike nga kjo botë duke e ditur se Vdekja është përfundim i një tregimi dhe fillim i një tjetri.
Do të jesh me ne ashtu siq ishe me mua si shok i studimeve, si doktor dhe do të jesh me mua si frymezim i një miqësie dhe si një koleg i paharuar.
Përjetësia ju takon heronjëve,punonjësve shëndetësore në betejën e tyre sublime ne ruajtjen e shëndetit të popullatës
Dr.Nexhip Berisha pusho në tokën e bekuar të Kosovës për të cilën punove pa rreshtur.
Ngushllime familjarëve e miqve tonë të përbashkët.
