Një polic gjatë ditës së djeshme u plagos me thikë pasi u sulmua nga një burrë tjetër teksa ishte duke intervenuar në një rast të dhunës në familje në fshatin Samadrexhë të Suharekës.
Zyrtari policor në fjalë, është vizituar nga kryetari i Suharekës, Bali Muharremaj.
- Advertisement -
Përmes një postimi në Facebook, Muharremaj ka thënë se polici Milaim Gashi po shërohet gradualisht.
Ai ka thënë se punën e policisë në shërbim të qytetarëve do ta vlerësojnë gjithmonë.
Gashi ka pësuar lëndime në regjionin e kokës. Atij i është dhënë ndihma e parë në vendin e ngjarjes më pastaj duke u dërguar në spitalin rajonal në Prizren.