Rusia ka filluar programin e saj për vaksinimin ndaj COVID-19. Shtatëdhjetë klinika në Moskë filluan të injektojnë të shtunën vaksinën Sputnik-V, te disa qindra qytetarët e parë, tha grupi i punës për koronavirusin i këtij qyteti.
- Advertisement -
Vaksinimi i nisur do të vijojë çdo ditë pa ndërprerje. Vaksina po vihet në dispozicion të punonjësve të kujdesit shëndetësor, punonjësve socialë dhe atyre që punojnë në shkolla sepse ata rrezikohen më shumë nga ekspozimi ndaj koronavirusit.
Sipas mediave në Moskë, personat mbi 60 vjeç nuk janë përfshirë tek ata që po marrin vaksinën të parët.
Vaksina ruse përbëhet nga dy injeksione dhe injeksioni i dytë është planifikuar tre javë pas të parit.