Ky qytetar bën gjestin që s’do të donte ta shihte Shpend Ahmeti: Rregullon vet rrugën e prishur

Jo pak rrugë në Prishtinë janë në gjendje të keqe.

Shumica prej tyre janë dëmtuar pasi në lagje të ndryshme janë bërë disa punë nga Komuna, por që pas kryerjes rrugët nuk janë kthyer në gjendjen e mëparshme.

Kjo ka nervozuar siç duket jo pak qytetarët të cilët kanë përvjelë mëngët dhe po sanojnë vet gropat e krijuara.

Një gjë e tillë së fundmi ka ndodhur tek parku i qytetit, ku shihet si një qytetar e rregullon vet rrugën, shkruan Reporteri.net.

Kujtojmë se për muaj të tërë një pjesë e rrugës ka mbetur në gjendje tejet të dëmtuar edhe në lagjen “Kalabria”, pasi të kalohen banesat e “Arabëve”, ku po shkakton shumë probleme për qytetarët dhe vozitësit.