Në Kroaci sot ka rënë bora e parë e këtij sezoni, shkruan agjencia kroate e lajmeve, Index.
Nesër në Kroaci parashikohet të mbajë mot mesatar dhe kryesisht i vranët, raportojnë mediat.
Temperatura e ajrit në brendësi është kryesisht nga 3 deri në 8, në male pak më e ulët, kurse në brendësi të Istrias dhe Dalmacisë ndërmjet 6 dhe 11 °C.
Meteorologët e kompanisë amerikane që merret me parashikimin e motit në të gjithë botën, AccuWeather, në tator kanë parashikuar se çfarë do të sjellë dimri. Ata kishin publikuar parashikimin e tyre për dimrin në Evropë.
Dimri meteorologjik fillon më 1 dhjetor, ndërsa dimri astronomik do të fillojë më 21 dhjetor. Me disa vende evropiane që tashmë përballen me fatura të larta të energjisë, perspektiva e një dimri të ftohtë mund të nënkuptojë gjithashtu një dimër të shtrenjtë për ta.
Për t’i ndihmuar banorët në të gjithë kontinentin për t’u përgatitur, ekipi i meteorologëve ndërkombëtarë me rreze të gjatë të AccuWeather zbërthyen atë që dimri e ka rezervuar për Evropën, Ballkanin, Kosovën… Ekspertët e meteorologjisë — Tyler Roys, meteorolog i lartë që punon për AccuWeather për gati një dekadë dhe Alan Reppert, meteorolog i lartë që ka 20 vjet përvojë në këtë kompani — u përgjigjen të gjitha pyetjeve për stinën që po vjen. Sipas tyre, dimri në Ballkan do të jetë relativisht i butë.