Përfaqësuesi i Posaçëm i Bashkimit Evropian për dialogun Kosovë-Serbi, Miroslav Lajçak pritet ta vizitojë sot Kosovën.
Ai është nisur drejt shtetin tonë, derisa këtë e ka konfirmuar përmes një postimi në Twitter.
“Pas ndërlikimeve të lehta të udhëtimit dje, bashkësia ndërkombëtare filloi në veprim.
Tani jam duke shkuar për në Prishtinë – mirësjellje e ushtrisë zvicerane.
Mezi pres që zyrtarisht të filloj vizitën time në Kosovë më vonë sot”, ka shkruar Lajçak, transmeton Indeksonline.
Kujtojmë që i njëjti pritej ta vizitonte dje Kosovën, por që u bllokua në Cyrih, pasi Tirana nuk autorizon uljen e fluturimeve nga Zvicra të planifikuara për orën 13:40.
Ndryshe, deri më tani nuk është konfirmuar ndonjë takim i përfaqësuesit të BE-së me krerë institucionalë, veç ai me kryeparlamentaren Vjosa Osmanin që do të ndodhë në objektin e Kuvendit me fillim nga ora 17:45.
After slight travel complications yesterday, the international community kicked into action. I’m now on my way to Pristina – a courtesy of the Swiss military. Looking forward to officially starting my visit to Kosovo later today. pic.twitter.com/f58NSwJtFB
— Miroslav Lajčák (@MiroslavLajcak) June 16, 2020