Pas debatit mes Frashër Krasniqit dhe Tomë Gashit, për të folur rreth incidentit të ndodhur në një lidhje telefonike është inkuadruar edhe protagonisti i ngjarjes, Albin Gashi, kandidat për deputet dhe djali i avokatit Tomë Gashi.
Albin Gashi në një përgjigje të shkurtër ka thënë se s’ka asgjë politike me Frashër Krasniqin dhe pretendon se ky i fundit ka diçka personale me të.
‘Unë besoj që kam ku të deklarohem se a është e vërtetë a s’është. Politike s’kam kurgje me frashërin. Frashëri më duket se ka dicka personale me mue”, ka thënë Albin Gashi në Klan Kosova, raporton Gazeta Express.
Pas kësaj deklarate ka reaguar Frashër Krasniqi i cili tha se Albin Gashi nuk e mohoi që të ketë sulmuar fizikisht, dhe që një gjë të tillë do ta dëshmojnë edhe pamjet e kamerave të sigurisë.