Ministri në largim i Infrastrukturës, Pal Lekaj ka thënë se qeveria Haradinaj po fillon dhe po i vazhdon projekte të mëdha që asnjë qeveri nuk arriti t’i bëjë për Gjakovën.
Lekaj ka thënë se politikanët e partive tjera janë duke i premtuar ato gjëra që tashmë janë duke u realizuar.
“Derisa oponentët tanë politik vinë në Gjakovë si parashutistë dhe i premtojnë edhe ato gjëra që tashmë janë duke u realizuar, qeveria Haradinaj po fillon dhe po i vazhdon projekte të mëdha që asnjë qeveri nuk arriti t’i bëjë për Gjakovën”, ka shkruar Lekaj në Facebook.
Ky është shkrimi i tij i plotë:
Derisa oponentët tanë politik vinë në Gjakovë si parashutistë dhe i premtojnë edhe ato gjëra që tashmë janë duke u realizuar, qeveria Haradinaj po fillon dhe po i vazhdon projekte të mëdha që asnjë qeveri nuk arriti t’i bëjë për Gjakovën
Për shumë qeveri që kanë udhëhequr me vendin, Gjakova vetëm territorialisht ka qenë pjesë e Republikës së Kosovës, duke mos qenë asnjëherë në hartën dhe agjendën e tyre të investimeve.
Prandaj, qeveria qendrore, si asnjëherë më parë ka investuar në Gjakovën e harruar nga paraardhësit e kryeministrit Ramush Haradinaj.
Për rikujtim, hidhini një sy vlugut të punimeve në infrastrukturën rrugore të Gjakovës, pa përmendur ndihmën për rrugët lokale.
Projektet që mbase dikur ishin veçse dëshirë, tashmë po bëhen realitet.
Rruga “Bujar Roka”, investim 3.5 milionë euro
Zgjerimi i rrugës Dollc – Gjakovë, 57 milionë euro
Qarkorja e Gjakovës, 8 milionë euro.
