Një aleat kryesor i presidentit rus Vladimir Putin ka thënë se forcat ruse do të kapin bastionin e fundit kryesor të rezistencës në qytetin e rrethuar të Mariupol të enjten pasi Ukraina propozoi bisedime për evakuimin e trupave dhe civilëve atje.
Sipas Sky News, kreu i republikës ruse të Çeçenisë Ramzan Kadyrov, forcat e së cilës kanë Iuftuar në Ukrainë, për fabrikën e çelikut kanë thënë se Mariupoli do të bjerë sot.
- Advertisement -
“Para drekës ose pas drekës, Azovstal do të jetë plotësisht nën kontrollin e forcave të Federatës Ruse,” – tha Ramzan Kadyrov.
Qyteti jugor i rrethuar ka qenë një objektiv kyç për Rusinë që nga fillimi i luftës në Ukrainë pothuajse dy muaj më parë. Forcat ruse kanë pretenduar se janë në prag të marrjes së kontrollit të plotë të qytetit prej ditësh, por forcat ukrainase kanë mundur ta mbrojnë vendin duke i zbrapsur pushtuesit.