Me katër stenda në zemër, diabet dhe tension, kompozitori kosovar fiton luftën me koronavirusin

Kompozitori dhe dirigjenti, Baki Jashari, pas 40 ditësh luftë me koronavirusin, ai tani rezultoi negativ në testimin për COVID-19.

Lajmin e ka bërë të ditur vajza e tij, Arta Jashari, e cila javë më parë i pati reaguar këngëtarit të njohur, Labinot Tahiri që kishte thënë se virusi nuk ekziston.

“Pas thuajse 40 ditësh luftë me COVID-19 , babi im me 4 stenda, diabet dhe tension rezultoi NEGATIV dhe ma në fund u përqafuam pa veshje kozmonauti . Është një moment tepër i prekshëm për neve dhe ju falënderoj të gjithëve që më keni qëndruar pranë mua e familjes sime. ZOTI JU SHPËRBLEFTË ! Zoti ju ndihmoftë të gjithë juve që jeni në këtë sfidë”, ka shkruar Arta në Facebook.

Arta këtij postimi ia ka bashkangjitur edhe disa fotografi duke e përqafuar babain e saj.