Kosovën do ta ndihmoj Amerika edhe perëndimi, por do të vij një kohë do ikin ushtritë e huaja dhe do kthehet Serbia, e aty nuk do mbetet asnjë shqiptar.
Parashikuesi mistik dhe filozofi serb Tadej Vitovniçki (1914- 2003) që kohët e fundit të jetës së tij i ka kaluar si murgu më i ndritur në Serbi ka parashikuar shumë gjëra që janë realizuar, shkruan “Kurir”.
Figura e tij i ngjan shumë Peshkopit serb Pavle, ndërsa nga kjo botë ka shkuar në vitin 2003, duke lënë pas vetës shumë parashikime rrteh fatit të Serbisë, disa prej të cilave janë realizuar.
Në vitin 2000, tetë vite më përpara plaku Tadej për Kosovën ka thënë se shqiptarët do të shpallin pavarësinë dhe kjo do mbështetet nga Amerika dhe Evropa. Por sipas tij, fuqitë në perëndim së shpejti do pësojnë një krizë të madhe ekonomike edhe konflikte të luftës.
“Edhe Amerika edhe perëndimi përsëri do përndjekin serbët, por pas vuajtjeve të mëdha të serbëve, befasisht Amerika edhe perëndimi do pësojnë humbje të thellë, ashtu që e gjithë ushtria e tyre do tërhiqet nga Kosova. Atëherë serbët për pak kohë do të kthehen në djepin shpirtëror. Shqiptarë atje nuk do të ketë as edhe një “, ka qenë parashikimi i tij që ka thënë se jeta më e sigurt do të jetë në Serbinë qendrore.
Pos kësja ai ka parashikuar rënien e Millosheviqit duke tërhequr vërejtjen se ata që e zëvendësojnë do të jenë edhe më të këqij.
Sipas autorit të panjohur, Tadej ka këshilluar që toka dhe pasuri të blihen në Serbinë qendrore dhe të iket Beogradi dhe Vojvodina, sepse Beogradi gjysma do të shembet për shkak të gërmimit të tuneleve dhe gjysma do të jetë e vërshuar nga uji.