Sot është marrë vendimi për organizimin e mbrëmjes së maturës.
Express merr vesh nga burime se në takimin e kolegjiumit të arsimit me kryetarët e komunave dhe Ministrinë e Arsimit ështe marrë vendimi për lejimin e organizimit të mbrëmjes së maturës.
Ndryshe, Shefi i Grupit Parlamentar të AAK-së, Besnik Tahiri, kishte kërkuar para një jave nga ministrja e Arsimit, Arbërie Nagavci, që të lejohet mbajtja e mbrëmjes së maturës.
“Ka një mungesë serioze të koordinimit të dikastereve të përcaktuara të procesit të vaksinimit. Kërkesa jem për ju është edhe pse arsimi primar është përgjegjësi e komunës mirëpo masat e shtetit që ta bëni një plan të saktë të procesit të vaksinimit të mësimdhënësi. Asociacioni i Komunave të Kosovës thotë që të organizohet matura dhe ekskursioni dhe është një çështje që ndodh një herë në jetë dhe kërkoj prej jush që t’i shikosh mundësit që të mbahet mbrëmja e maturës”, kishte deklaruar Tahiri.
Por, Nagavci i kishte thënë se nuk ka pranuar asnjë kërkesë nga Asociacioni i Komunave për mbajtjen e maturave.
Ajo kishte deklaruar se vendimi i qeverisë e ndalon, derisa kishte thënë se ky vendim është marrë për mirëqenien e nxënësve.
“Provimi i maturës do të mbahet vetëm për një ditë dhe vendimet e mija nuk do të jenë të pa bazuara nuk kam pranuar asnjë kërkesë nga Asociacioni i Komunave, vendimi i qeverisë ndalon ekskursionet dhe maturën dhe kjo për ruajtjen e shëndetit të nxënësve”