Gjykata Themelore e Mitrovicës ka caktuar një muaj paraburgim për dy të dyshuar nga Vushtrria për veprën penale ushtrim i ndikimit.
Njëri nga të dyshuarit është vëlla i kryetarit të Komunës së Vushtrrisë, Xhafer Tahiri.
- Advertisement -
Ndalimi i dy të dyshuarve S.T dhe SH.K sipas gjykatës ka ardhur pas një videoincizimi të publikuar nëpër media, e në të cilat incizime pretendohet se dëgjohet S.T, i cili është vëlla i kryetarit të Komunës së Vushtrrisë.
Me t’u publikuar videoincizimi në Indeksonline, kryeprokurori i Prokurorisë Themelore në Mitrovicë – Shyqyri Syla, ka urdhëruar Njësinë Rajonale për Hetimin e Krimit Ekonomik dhe Korrupsionit në Mitrovicën e Jugut, që të nisë hetime përkitazi me publikimin e këtij videoincizimi, ku pas hetimeve janë ndaluar dy të dyshuarit S.T dhe Sh.K.