Presidenti Ilir Meta nuk i kurseu kritikat ndaj kreut të PD, Lulzim Basha në emisioni Now teksa i kujtoi këtij të fundit kontributin e LSI në mbështetje të tij.
Sipas Metës, ai është personi i dytë pas Berishës që e ka mbështetur më shumë Bashën, ndërsa bashkëshortja e tij, kryetarja e LSI, Monika Kryemadhi dogji 19 mandate deputetësh për të qenë në një linjë me PD.
- Advertisement -
“S’kam asgjë personale. Pas doktorit, për atë s’ka bërë njëri sa unë. Dhe sa ka bërë gruaja ime për të, s’ka bërë gruaja e tij. Kam frikë që ajo edhe votën s’ja ka dhënë. Gruaja ime i dha besën, dogji edhe 19 mandate që s’i kishte marrë ajo”, tha Meta.
Sipas Metës, është e patolerueshme që vendi të shkojë në krizë besimi për shkak të sjelljeve të Bashës.