Kandidati për kryeministër nga Partia Euroatlantike e Kosovës [PEK], z.Milaim Zeka, sapo ka shpallur fitoren në zgjedhjet e parakohshme të sotme.
Në fakt, partia e z.Zeka nuk i mori më shumë se 885 vota, por Zeka fitoren e tij e shpalli pasi PDK-ja pranoi humbjen dhe tha se do të ishte pjesë e opozitës.
- Advertisement -
Zeka shkroi thjesht: “Fitorja e PEK-ut, dërgimi i PDK-së në opozitë! Urime Kosovë!”.
Z.Zeka ka qenë tepër i ashpër ndaj Partisë Demokratike të Kosovës, për keq-qeverisjet e pasluftës, e po ashtu edhe Lidhjen Demokratike të Kosovës.
Sidoqoftë, z.Zeka deklaronte që partia e tij do t’i fitonte 30 mijë vota, por rezultati i deritashëm në KQZ e lë jashtë parlamentit të Kosovës.