Angela Martini ishte në mbrëmjen e kaluar e ftuar në një emision televiziv.
Modelja ka folur kryesisht për librin e saj të parë “Dashuri, shpresë, dritë” por dhe ka zbuluar detaje shumë interesante nga jeta e saj private.
Angela është që prej dy vitesh e martuar me miliarderin rumun, Dracos, por në vitin 2011 është përfolur gjatë për një lidhje të mundshme me reperin e njohur Kanye West, i cili sot është i shoqi i Kim Kardashian.
Asokohë modelja e ka mohuar këtë marrëdhënie por sonte e ftuar në ‘Soiree’ e ka konfirmuar.
“Meqë ti nuk e ke problem t’i thuash që ke pasur, ke patur diçka me Kanye West?”, e ka pyetur moderatorja Jonida Shehu.
“Po. A të thashë që nuk e kam problem me të thënë?”, është shprehur Angela.
Ajo ka treguar se e ka mohuar këtë lidhje më parë ngaqë nuk i pëlqejnë të tillë zhurma por tani që është histori e marrë fund, mund ta thotë shumë lehtësisht.