Kryetari i Partisë Socialdemokrate, Dardan Molliqaj, ka sulmuar kreun e Lëvizjes Vetëvendosje, Albin Kurti, i cili është caktuar mandatar për formimin e qeverisë së re të vendit.
- Advertisement -
Molliqaj ka paralajmëruar në emisionin “A Show”, në televizionin T7, se Kurti si kryeministër i Kosovës “do ta zvogëlojë demokracinë në vend”.
“Marrëdhënia me media dhe shoqërinë civile do të jetë edhe më e keqe”, ka shtuar ish-sekretari i VV’së.
Sipas Molliqajt, qeveria e mundshme e Kurtit do të karakterizohej me dështime “në rrafshet makro”.
- Advertisement -
“E ka një model të dështuar ekonomik, vetëm nga forcat e brendshme”, është shprehur ai.
Megjithatë, Molliqaj ka thënë se nuk beson që Kurti do të dështonte në qeverisje sa i përket rrafsheve të vogla.