Tre persona dyshohet se kanë spërkatur me bojë muri figurën e tenistit serb Novak Gjokoviq të zbuluar në Lagjen e Epërme të Rahovecit.
Pas identifikimit nga autoritetet ligjore, të dyshuarit u kapën dhe më pas u liruan në përputhje me procesin standard. Ata mendohet se e kanë kryer krimin nën efektin e alkoolit, raporton Klan Kosova.
Në storien e realizuar nga ky televizion, banorët i kanë thënë atyre se nuk janë në dijeni se kush mund ta ketë kryer aktin dhe se janë përkujdesur që figura e tenistit serb të kthehet në gjendjen fillestare.
Për këtë ka reaguar drejtori i Zyrës për Kosovën në Qeverinë e Serbisë, Petar Petkoviq.
I njohur për reagimet e tij propaganduese, Petkoviq në reagimin e tij në Twitter ka thënë se kjo u bë nga “huliganët e Kurtit”.
Më tej ai tha se pavarësisht përpjekjeve, ata kurrë nuk do të mund t’i zhbëjnë sukseset e kampionit dhe tenistit më të mirë në botë.
Reagimi i Petkoviqit në Twitter:
Huliganët e Kurtit mbrëmë shkatërruan muralin e Novak Djokoviq në Rahovac. Sado urrejtje të kenë ekstremistët, ata kurrë nuk do të mund t’i zhbëjnë sukseset e kampionit dhe tenistit më të mirë në botë dhe dashurisë së tij për Kosovën dhe Metohinë!
Kur nuk kanë të tyren, shkatërrojnë të tjerët!
Kуртијеви хулигани ноћас су уништили мурал нашем @DjokerNole у Ораховцу.
Kолика год да је мржња екстремиста, никада неће моћи да пониште успехе 🇷🇸 шампиона и најбољег тенисера света и његову љубав према Kосову и Метохији!
Kад немају своје, уништавају туђе! pic.twitter.com/xaJaPVEeCm— Петар Петковић (@PetkovicPetar) February 7, 2023