Ministri i Financave, Punës dhe Transfereve, Hekuran Murati ka reaguar pas protestave që u mbajtën në Beograd në mbështetje të Rusisë.
Murati përmes një shkrimi në Twitter thotë se disa ditë më parë ministri i brendshëm serb, Aleksandër Vulin tha se “Nëse Kosova i bashkohet NATO-s, do të jetë një kërcënim për Serbinë”.
Ai shtoi se njëjtë kishte deklaruar edhe Vladimir Putin për Ukrainën para se të fillonte agresionin e tij ushtarak. Këtë thotë se Serbia e vërtetoi më protestat e sotme në Beograd, ku është i vetmi qytet që mblidhet në mbështetje të Putinit.
“Nëse Kosova i bashkohet NATO-s, do të jetë një kërcënim për Serbinë”, tha ministri i Brendshëm i Serbisë, duke bërë jehonë të ngjashme me deklaratën e bërë nga Putin disa ditë përpara se të sulmonte Ukrainën. Sonte shohim se ngjashmëritë nuk janë vetëm me fjalë – Beogradi është i vetmi qytet që mblidhet në mbështetje të Putinit”.
“If Kosovo joins NATO, it will be a threat to Serbia” said Serbia’s Min of Interior, echoing similar to the declaration made by Putin days before attacking Ukraine.
Tonight we see that similarities are not in words only – Belgrade is the only city to rally in support of Putin. pic.twitter.com/FuM2GroVpu
— Hekuran Murati (@HekuranMurati) March 4, 2022