Kandidati për deputet nga radhët e Partisë Demokratike të Kosovës (PDK), Rrustem Mustafa ka thënë se është rikthyer në listën për deputetë për të vazhduar angazhimin e tij në politikë.
- Advertisement -
Mustafa në RTK ka thënë se tashmë është i liruar nga gjitha aktakuzat nga gjykatat vendore e ndërkombëtare.
“Kam pastërtinë e duhur ashtu qysh e kërkon ligjin, po sfidohem prapë, po kthehem në politikë”, ka thënë ai.
Tutje, Mustafa ka thënë se PDK do t’i ketë 10 deputetë më shumë se vendi i dytë.
- Advertisement -
“PDK është partia më e rëndësishme e vendit dhe do të përfundojmë me 10 deputetë më shumë para vendit të dytë”, ka thënë ai duke shtuar se lista e PDK’së është me e pastërta dhe më kombëtarja.